Alergjia është reagim mbrojtës shumë i ndjeshëm i sistemit tonë imunitar ndaj substancave të huaja, por në të vërtetë të padëmshme që gabimisht klasifikohen si të dëmshme - të ashtuquajturit alergjenë.
Alergjitë janë dukuri gjithnjë e më e zakonshme, e cila aktualisht prek rreth 3% të foshnjave në Evropë. Si rezultat i alergjisë, ato mund të vuajnë nga skuqja (dermatit atopik), ënjtja rreth buzëve dhe diarre. Alergjitë ndaj lëndëve ushqimore në fëmijëri shpesh "rriten" sërish, por nganjëherë ato shfaqen në fazën e parë, përpara sëmundjeve tjera alergjike, të tilla si alergjitë e polenit (shkuarje apo kruajtje e hundës, skuqje e syve, lotim...) dhe astma.
Si mund ta forconi sistemin imunitar të foshnjave dhe kështu t’i mbroni nga alergjitë?
Sistemi i fortë imunitar që është i armatosur mirë kundër alergjenëve është i lidhur, ndër të tjera, me një florë të shëndetshme dhe funksionale të zorrëve. Flora e shëndetshme e zorrëve përmban baktere të shumta të mira, të tilla si laktobacilet dhe bifidobakterja (bakteret e acidit laktik). Ato formojnë një lloj muri mbrojtës në zorrë dhe ndihmojnë në largimin e mikrobeve të dëmshme. Mbështetja e zhvillimit të një flore të shëndetshme të zorrëve që nga lindja, është thelbësore për parandalimin e suksesshëm të alergjive te fëmija juaj.
Më shumë rreth temës së alergjive
