Javët e shtatzënisë:
Java e 9-të e shtatzënisë: Nga kikiriku krijohet një foshnje
Gjatësia e foshnjës në javën e 9-të të shtatzënisë
Fetusi, siç quhet fëmija i ardhshëm nga mjekët në këtë fazë, nga tani e deri në lindje, ka një madhësi prej rreth 2.6 centimetra. Kjo korrespondon afërsisht me dimensionet e një qershie. Nga java e nëntë e shtatzënisë, madhësia mund të matet në centimetra. Gjatësia e foshnjës do të rritet me shpejtësi gjatë javëve të ardhshme. Por, foshnja ka shumë hapësirë në bark për të ushtruar lëvizjet, për t’u koordinuar dhe zgjeruar lëvizjet e veta.
Zhvillimi i foshnjës
Pas periudhës së rëndësishme embrionale, e cila zgjat nga konceptimi deri në javën e tetë, për foshnjën tuaj e ashtuquajtura periudhë e zhvillimit, fillon tani. Krahasuar me javët e fundit, kikiriku nuk është më aq i ndjeshëm dhe i lëndueshëm.
Të gjitha sistemet e rëndësishme të organeve jetësore janë tashmë në funksion në javën e 9-të të shtatzënisë. Nëse flasim në mënyrë rigoroze, ekzaminimi i parë me ultratingull zhvillohet midis javës së 9-të dhe 12-të të shtatzënisë. Qëllimi i skanimit: Konfirmimi i shtatzënisë, kontrollimi nëse është bërë vendosja e vezës qelizore me sukses në mitër, kontrollimi i rrahjeve të zemrës dhe konfirmimi ose korrigjimi i datës së pritshme të lindjes. Mjeku juaj tani lehtësisht mund të tregojë nëse jeni shtatzënë me vetëm një fëmijë apo nëse jeni duke pritur binjakë.
Shumë organe të brendshme kanë filluar të punojnë, megjithëse kjo ende nuk do të konsiderohet si funksion përfundimtar.
Në fazën e zhvillimit gjatë javës së 9-të të shtatzënisë, fokusi është në zhvillimin e rrugëve nervore. Me to, është e mundur që foshnja të ndjejë stimulimet me shqisat e veta dhe të reagojë ndaj tyre. Fëmija do ta praktikojë këtë pandërprerë gjatë javëve dhe muajve të ardhshëm.
Karakteristikat dhe pamja e njeriut të vogël në barkun tuaj, do të bëhen gjithnjë e më njerëzore. Me kokën e ngritur ajo shtrihet vetë dhe përdor gjymtyrët e veta për lëvizjet e para që ju ngjasojnë ngërçeve me nervozë apo konvulzioneve.
Gishtat e dorës dhe të këmbëve, vazhdojnë të zhvillohen. Kyçet e duarve zhvillohen në javën e 9-të të shtatzënisë. Në gishtat e këmbëve ku më herët kishte lidhje në mes tyre sikur te këmbët e patës, në fetus, tashmë janë zhdukur pothuajse plotësisht. Bishti në gungën e poshtme të foshnjës gjithashtu zhduket kur zhvillohet shtylla kurrizore dhe rruazat e boshtit kurrizor bëhen më të theksuara. Deri në lindjen e foshnjës, do të ketë 33 deri në 34 rruaza të boshtit kurrizor. Shtylla kurrizore është e lidhur në mënyrë të lëvizshme nga disqet ndërvertebrore. Kjo është arsyeja pse shpina është fleksibile dhe mund të lëvizë në nivele të ndryshme duke e mundësuar përkuljen.
Për ta mbrojtur trurin e ndjeshëm, e ashtuquajtura kafkë kockore formohet nga java e 9-të e shtatzënisë – pjesë e cila më parë ishte vetëm si substancë kërcore. Kockat tjera, gjithashtu, vazhdojnë të zhvillohen, megjithëse këto janë akoma të buta gjatë kësaj periudhe zhvillimi dhe eshtrat nuk e kanë marrë ende strukturën e tyre përfundimtare.
Po ashtu, zhvillimi i trurit, tash merr shpejtësi. Formohen zonat e rëndësishme që kontrollojnë sistemet e organeve dhe ekuilibrin hormonal. Stimujt që foshnja percepton në javët e ardhshme stimulojnë zhvillimin e trurit sepse këto stimulime duhet të përpunohen. Transmetimi i stimujve në tru bëhet përmes trakteve nervore që zhvillohen paralelisht. Edhe me lindjen, maturimi i trurit të foshnjës nuk ka përfunduar assesi. Në vitet e para të jetës, fëmija do të mësojë shumë aftësi të reja dhe dije praktike që i duhen për jetën. Vetëm në adoleshencën e vonë, në moshën e pjekurisë së hershme, kjo përsosje është e plotë dhe personi bëhet i pajisur me të gjitha funksionet e trurit, si dhe aftësitë e të menduarit.
Kështu ndihet nëna e ardhme në javën e 9-të të shtatzënisë
Në javën e 9-të, simptomat tipike të shtatzënisë vazhdojnë të ulen. Kjo do të ndodh kryesisht sepse trupi juaj iu ka përshtatur niveleve të ndryshme të hormoneve. Vetëm lodhja mund t'ju shqetësojë akoma. Por, deri në fund të muajit të tretë edhe kjo duhet të jetë zhdukur. Pastaj fillon koha kur ndiheni shkëlqyeshëm në pritje, me kreativitet dhe energji.
Shenjat dhe simptomat e zakonshme
Ende nuk ka asnjë shenjë të një përplasjeje të foshnjës në bark. Por fenomenet tipike tregojnë qartë se ju jeni shtatzënë.
Ndryshimet në lëkurë dhe flokë
Në javën e 9-të të shtatzënisë, lëkura dhe flokët e nënës së ardhshme shpesh pësojnë ndryshime. Te disa gra, fijet e flokëve bëhen më të trasha dhe me shkëlqim, te gratë tjera fijet e flokëve bëhen më të holla. Këto simptoma shkaktohen gjithashtu nga nivelet e ndryshuara të hormoneve gjatë shtatzënësisë. Pas lindjes, këto simptoma shpejt ulen kur ekuilibri hormonal ndryshon përsëri. Kujdesi për butësinë e flokëve tuaja mund të jetë i dobishëm me një shampon të butë.
Tharja e flokëve është e mirë. Sidoqoftë, duhet të përmbaheni nga ngjyrosja ose dredhjet e flokëve me valë të ftohta. Substancat kimike mund të absorbohen nga rrënjët e flokëve dhe të hyjnë në qarkullimin e gjakut të nënës. Nga atje, këto substanca mund të stresojnë foshnjën. Sidoqoftë, nuk keni pse t’i lini flokët tuaja pa ngjyrë. Ngjyrat e buta dhe ngjyrat natyrale të kënasë nuk do të shkaktonin problem.
Lëkura gjithashtu reagon ndaj hormoneve që tani qarkullojnë në trupin tuaj. Nga njëra anë, lëkura bëhet e butë dhe, falë shtimit të qarkullimit të gjakut, ajo merr ngjyrë të shëndetshme. Nga ana tjetër, puçrra të vogla shfaqen aty-këtu. Trajtimi i butë është gjithashtu i mirëseardhur. Në asnjë rrethanë nuk duhet të përpiqeni ta përmirësoni gjendjen e lëkurës tuaj me kozmetikën agresive kundër puçrrave.
Pyetjet e mundshme për mjekun ose maminë
Mishi i ndjeshëm i dhëmbëve
Hormonet e njëjta që ndikojnë tek rritja e gjinjve dhe të lirohen indet, gjithashtu e bëjnë mishin e dhëmbëve më të ndjeshëm. Ndonjëherë, mund të ndodh gjakderdhje e vogël kur i lani dhëmbët. Ashtu si acidi i stomakut dhe pështyma, tani është më agresive dhe shkakton tendosje të dhëmbëve. Kjo është arsyeja pse dikur thuhej "Çdo shtatzëni kushton një dhëmb". Prandaj, lani dhëmbët rregullisht, 2-3 herë në ditë dhe përdorni një furçë dhëmbësh me butësi mesatare ose shumë të butë. Shpesh rekomandohet edhe pastrimi profesional i dhëmbëve dhe vizitat më të shpeshta te dentisti.
Gjakderdhja nga hunda
Gjakderdhja nga hunda mund të ndodhë herë pas here. Asnjë trajtim i veçantë nuk kërkohet për gjakderdhje të vogël. Nëse nuk jeni e sigurt, pyesni mjekun ose maminë. Këtu do të gjeni këshilla të vlefshme se si të merreni me sa më shumë sukses me këto fenomene.
